Муҳтарам Марлен Абдирахманович,
Табрикоти самимонаи маро ба муносибати Рӯзи Истиқлолияти Ҷумҳурии Қирғизистон пазиро бошед.
Дар тӯли солҳои истиқлолият Қирғизистон иқтидори худро бомуваффақият густариш дода, дар соҳаҳои сиёсӣ, иқтисодӣ, иҷтимоиву фарҳангӣ ва дигар самтҳо ба натиҷаҳои арзанда ноил гардида истодааст.
Мехоҳам рушди бемайлони муносибатҳои Тоҷикистону Қирғизистонро, ки бар пояи ҳамсоягии нек, эҳтироми мутақобила ва талош барои тавсеаи ҳамкориҳои судманд асос ёфтааст, зикр намоям.
Эътимод дорам, ки таҳкими минбаъдаи робитаҳои байнипарламентӣ ба тавсеа ва таҳкими ҳамкориҳои дуҷониба мусоидат хоҳад кард.
Ба Шумо, муҳтарам Марлен Абдирахманович, саломатии қавӣ, некӯаҳволӣ ва дар фаъолияти пурмасъули давлатиатон муваффақиятҳои нав орзу намуда, ба мардуми қирғиз сулҳу субот ва шукуфоӣ таманно дорам.
Бо эҳтиром,
Рустам Эмомалӣ
