Имрӯз дар Қисми ҳарбии 02615-и Вазорати мудофиаи Ҷумҳурии Тоҷикистон дар ноҳияи Шоҳмансури шаҳри Душанбе бахшида ба 35-солагии Истиқлоли давлатӣ чорабинии тантанавӣ баргузор гардид.

Дар чорабинӣ намояндаи бахши кор бо ҷавонон ва варзиши ноҳия, намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон, намояндаи Раёсати кор бо ҷавонон ва варзиши шаҳри Душанбе, роҳбарияти Қисми ҳарбӣ, сарбозон ва хонандагон иштирок намуданд.

Қайд карда шуд, ки дар даврони соҳибистиқлолии Ҷумҳурии Тоҷикистон бо ташаббус ва сиёсати созандаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаи соҳаҳои ҳаётан муҳими хоҷагии халқи мамлакат бамаротиб рушд намудааст.

Дар фарҷоми чорабинӣ ба як қатор иштирокчиён туҳфаҳои хотиравии Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар фазои тантанавӣ тақдим карда шуд.