Имрӯз бахшида ба 35-солагии Истиқлоли давлатии Ҷумҳурии Тоҷикистон Раиси ноҳияи Шоҳмансури шаҳри Душанбе муҳтарам Олимзода Сафар Маҳмадшо аз номи Вазири мудофиаи Ҷумҳурии Тоҷикистон, генерал-полковник Собирзода Эмомалӣ барои ҳамкориҳои судманд, хизматҳои софдилона дар иҷрои вазифаҳои пурмасъулияти хизматӣ, гузоштани саҳми арзанда дар баланд бардоштани иқтидори мудофиавии кишвар ва ба муносибати ҷашни 35-солагии Истиқлоли давлатии Ҷумҳурии Тоҷикистон бо Сипоснома ва медали “75- солагии Ҷанги Бузурги Ватанӣ 1941-1945” қадрдонӣ карда шуд.

Инчунин, муовини Раиси ноҳия, раиси комиссияи даъвати ҷавонон ба сафи Қувваҳои Мусаллаҳи кишвар дар ноҳияи Шоҳмансури шаҳри Душанбе Сафарбекзода Шарофиддин Сафарбек барои хизматҳои шоиста дар фаъолияти ҳамарӯза ва ҳамкориҳои судманд бо медали ҷашнии “30-солагии Қувваҳои Мусаллаҳи Ҷумҳурии Тоҷикистон" сарфароз гардонида шуд.

Қадрдонии мазкур нишони эҳтиром ба фаъолияти содиқона ва хизматҳои арзандаи роҳбарияти Мақомоти иҷроияи ҳокимияти давлатии ноҳияи Шоҳмансур буда, барои боз ҳам таҳким бахшидани ҳамкориҳои судманд, масъулияти бештар дар фаъолияти хизматӣ ва идомаи корҳои созанда баҳри таъмини суботи ҷомеа ва рушди Ҷумҳурии Тоҷикистони соҳибистиқлол аҳамияти муҳим дорад.