Имрӯз бо ташаббуси бахши кор бо ҷавонон ва варзиши ноҳияи Шоҳмансур бо ҷалби волонтёрони бахш дар кӯчаву хиёбонҳои ҳудуди ноҳия аксияи иттилоотӣ-таблиғотӣ таҳти унвони «Хизмат ба Ватан - оини ҷавонмардист!» баргузор гардид.

Мақсади аксия баланд бардоштани ҳисси ватандӯстӣ, масъулиятшиносӣ ва ифтихори миллии ҷавонон, инчунин тарғиби аҳамияти хизмати ҳарбӣ дар сафи Қувваҳои Мусаллаҳи Ҷумҳурии Тоҷикистон мебошад.

Зимни аксия масъулин ва волонтёрон бо ҷавонону сокинон суҳбат намуда, оид ба аҳамияти хизмати ҳарбӣ, садоқат ба Ватан ва масъулияти шаҳрвандӣ маълумот пешниҳод карданд. Ҳамзамон, маводи иттилоотию таблиғотӣ миёни сокинон тақсим карда шуд.

Бахши кор бо ҷавонон ва варзиши ноҳияи Шоҳмансур минбаъд низ ҷиҳати таҳкими тарбияи ватандӯстӣ ва ҳарбӣ-ватандӯстии ҷавонон чунин иқдомҳоро идома медиҳад.