Муҳтарам Танзила Камаловна,
Табрикоти самимии маро ба муносибати Рӯзи Истиқлолияти Ҷумҳурии Ӯзбекистон бипазиред.
Ҷумҳурии Тоҷикистон ба рушди минбаъда ва таҳкими муносибатҳои дӯстӣ ва ҳамсоягии нек бо Ҷумҳурии Ӯзбекистон аҳаммияти хосса медиҳад.
Эътимод дорам, ки рушди пайвастаи ҳамкориҳои мутақобилан судманд миёни мақомоти қонунгузори кишварҳои мо ба таҳкими минбаъдаи муносибатҳои дуҷонибаи стратегӣ ва ҳампаймонӣ мусоидат хоҳад кард.
Ба Шумо, муҳтарам Танзила Камаловна, саломатии қавӣ, некӯаҳволӣ ва дар фаъолияти пурмасъули давлатиатон муваффақиятҳои нав орзу намуда, ба мардуми бародари Ҷумҳурии Ӯзбекистон сулҳ, шукуфоӣ ва комёбиҳои нав таманно дорам.
Бо эҳтиром,
Рустам Эмомалӣ
