Дар доираи аксияи «Китоби Пешво – сарчашмаи худшиносии миллӣ» бахшида ба Рӯзи Президенти Ҷумҳурии Тоҷикистон аз ҷониби бахши кор бо ҷавонон ва варзиши ноҳияи Шоҳмансур ба Раиси ноҳияи Шоҳмансури шаҳри Душанбе муҳтарам Олимзода Сафар Маҳмадшо асари Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тақдим карда шуд.

Ин иқдом ба тарғиби китобхонӣ, густариши маърифати сиёсиву таърихӣ ва шиносоии амиқтар бо асарҳои Пешвои муаззами миллат муҳтарам Эмомалӣ Раҳмон равона гардида, аҳаммияти китобро ҳамчун сарчашмаи дониш, худшиносӣ ва ҳифзи арзишҳои миллӣ бозгӯ менамояд.

Асарҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон инъикосгари марҳилаҳои муҳими таърихи давлатдории навини тоҷикон, роҳи ба даст овардану таҳкими Истиқлоли давлатӣ, барқарорсозии сулҳу ваҳдати миллӣ ва рушди Тоҷикистони соҳибистиқлол мебошанд. Тақдими чунин асарҳо, пеш аз ҳама, ба таҳкими фарҳанги омӯзишу мутолиа ва арҷгузорӣ ба таъриху мероси маънавии миллат мусоидат намуда, аҳаммияти омӯзиши пайвастаи арзишҳои миллӣ ва шинохти роҳи тайкардаи давлату ҷомеаро таъкид мекунад.