Бо мақсади пешгирии нашъамандӣ, баланд бардоштани сатҳи маърифати ҳуқуқию иҷтимоии ҷавонон ва тарғиби тарзи ҳаёти солим, аз ҷониби масъулини Бахши кор бо ҷавонон ва варзиши ноҳияи Шоҳмансури шаҳри Душанбе аксияи таблиғотӣ таҳти унвони «Ҷавонони солим — ояндаи дурахшони миллат» миёни ҷавонону сокинони ноҳия баргузор гардид.

Зимни баргузории аксия бо ҷавонону сокинон суҳбату вохӯриҳо анҷом дода шуда, ба онҳо оид ба оқибатҳои хатарноки истеъмоли маводи нашъаовар, таъсири харобиовари он ба саломатии инсон, ҳаёти оилавӣ ва амнияти ҷомеа маълумоти зарурӣ пешниҳод карда шуд.

Ҳамзамон, тавассути тақсим намудани маводи иттилоотӣ иштирокчиён ба ҳушёриву зиракӣ, дурӣ ҷустан аз ҳар гуна одатҳои номатлуб, риояи тарзи ҳаёти солим ва интихоби роҳи дурусти зиндагӣ даъват карда шуданд.

Зеро миллати солим аз ҷавонони солим ва ояндаи дурахшони давлат аз интихоби дурусти насли ҷавон вобастагӣ дорад.