Имрӯз дар ноҳияи Шоҳмансури шаҳри Душанбе бо мақсади вусъат бахшидан ба корҳои ободониву созандагӣ ва тозаву озода нигоҳ доштани муҳити зист шанбегии дастаҷамъона баргузор гардид.

Дар он кормандони муассисаҳои таълимӣ, тандурустӣ, томактабӣ ва дигар ташкилоту муассисаҳои ҳудуди ноҳия фаъолона иштирок намуда, атрофи муассисаҳо, кӯчаю роҳравҳо ва қитъаҳои вобасташударо аз партовҳо тоза карда, ба корҳои кабудизоркунӣ, нармкунии бехи дарахтон ва нигоҳубини гулу ниҳолҳо машғул шуданд.

Шанбегии дастаҷамъона бо иштироки васеи кормандон идома ёфта, ба беҳтар намудани ҳолати санитарӣ, тозаву озода ва ободу зебо нигоҳ доштани ҳудуди ноҳия мусоидат намуд. Таъкид гардид, ки ҷалби мунтазами кормандони ташкилоту муассисаҳо ба чунин корҳои дастаҷамъона дар баланд бардоштани ҳисси масъулиятшиносӣ нисбат ба муҳити зист ва саҳмгузорӣ дар ободонии пойтахт нақши муҳим дорад.