Мақомоти иҷроияи ҳокимияти давлатии шаҳри Душанбе шурӯъ аз 6 августи соли 2026, қабули дархостҳои сокинонро тавассути барномаи мобилии «Шаҳрванди фаъол» - платформаи ягонаи рақамӣ барои иртибот байни шаҳрвандон ва сохторҳои Мақомоти иҷроияи ҳокомияти давлатии шаҳри Душанбе оғоз мекунад.

Барномаи мазкур бо қарори Раиси шаҳри Душанбе муҳтарам Рустам Эмомалӣ таҳия гардида, бо воситаи он сокинон метавонанд дархосту пешниҳоди худро бо суроға, макони ҷуғрофӣ ва аксҳо ирсол намоянд. Барномаи "Шаҳрванди фаъол"-ро аз App Store ва Google Play ройгон метавонед зеркашӣ намоед.