Гулахмедова Гулҷаҳон-Раиси Иттифоқи касабаи кормандони маорифи ноҳияи Шоҳмансур-ғолиби даври шаҳрии Озмуни ҷумҳуриявии "Беҳтарин кабинети Иттифоқи касабаи кормандони маориф ва илми Ҷумҳурии Тоҷикистон" дар соли 2026 дониста шуд.

Маросими ҷоизасупорӣ 14 октябр бо ташаббуси Иттифоқи касабаи кормандони маориф ва илми Ҷумҳурии Тоҷикистон дар толори Муассисаи давлатии «Мактаби бачагонаи санъат ба номи Одина Ҳошим» бо иштироки Зулҳия Нозакзода-раиси Иттифоқи касабаи кормандони маориф ва илми Ҷумҳурии Тоҷикистон, Файзизода Исмоил Нарзӣ- муовини якуми раиси Федератсияи иттифоқҳои касабаи мустақили Тоҷикистон, Дилбар Раҳим Одилзода-муовини Раиси шаҳри Душанбе, раисон, фаъолон, собиқадорони ташкилотҳои соҳа, намояндагони Иттифоқҳои касабаи кормандони маориф ва илми кишварҳои Осиёи Марказӣ, ҷумҳуриҳои Арманистону Озорбойҷон бахшида ба 100- солагии таъсисёбии Иттифоқҳои касабаи Тоҷикистон баргузор гардид.