Имрӯз дар доираи нақшаи чорабиниҳои муштараки Мақомоти иҷроияи ҳокимияти давлатии ноҳияи Шоҳмансури шаҳри Душанбе ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз ҷониби бахши кор бо ҷавонон ва варзиши ноҳияи Шоҳмансур дар якҷоягӣ бо МД ”Мактаби варзишии ноҳия” бахшида ба 35- солагии Истиқлоли давлатии Ҷумҳурии Тоҷикистон мусобиқаи футбол миёни ҷавонон ва сокинони шаҳраку маҳаллаҳои ҳудуди ноҳия оғоз гардид.

Дар натиҷаи бозии баргузоргардида дар даври ниманиҳоӣ бози миёни дастаҳо ба мусовӣ ба анҷом расида. Пас аз зарбаи ёздаҳметра дастаи “Бинокорон” бар дастаи маҳаллаи “Зартеппа” бо ҳисоби 6 бар 5 ғолиб гардид.

Мақсади баргузории чунин мусобиқаҳо дар сатҳи маҳаллаҳо тарғиби тарзи ҳаёти солим, ҷалби сокинон, бахусус ҷавонон ба варзиш ва истифодаи самараноки вақти холӣ, инчунин пешгирии онҳо аз омилҳои номатлуб мебошад. Баргузории чунин чорабиниҳо барои таҳкими дӯстиву ҳамдигарфаҳмӣ ва ташаккули рӯҳияи солиму фаъол дар байни ҷавонон мусоидат менамояд.