Имрӯз дар боғи фарҳангу фароғатии ба номи Абулқосим Фирдавсии шаҳри Душанбе ҷашни миллии Меҳргон баргузор гардид. Дар он намояндагони Мақомоти иҷроияи ҳокимияти давлатии ноҳияи Шоҳмансур иштироки фаъолона намуданд.

Меҳргон яке аз ҷашнҳои қадимаи мардуми тоҷик ба шумор рафта, рамзи фаровонӣ, баракат, ҳосили фаровон ва арҷгузорӣ ба заҳмати кишоварзон мебошад. Ин ҷашни бостонӣ дар замири худ суннату анъанаҳои неки миллӣ ва арзишҳои волои фарҳангии ниёгонро таҷассум менамояд.