Имрӯз дар Мақоиоти иҷроияи ҳокимияти давлатии ноҳияи Шоҳмансури шаҳри Душанбе дар доираи омодагӣ ба мавсими нави футбол Раиси ноҳияи Шоҳмансури шаҳри Душанбе муҳтарам Сафар Олимзода бо роҳбарияти Федератсияи футболи Тоҷикистон ва Лигаи футболи кишвар мулоқоти корӣ баргузор карданд.

Дар вохӯрӣ бо Раиси ноҳия муҳтарам Сафар Олимзода ноибони президенти Федератсияи футболи Тоҷикистон Алишер Урунов ва Сайвалӣ Дониёрзода, инчунин директори генералии Лигаи футболи мамлакат Субҳон Шодиев иштирок доштанд.

Дар ҷараёни мулоқот роҳбарияти ФФТ дастаи «Шоҳмансур»-и Душанберо барои ишғоли ҷойи дуюм дар марҳилаи ниҳоии Лигаи дуюми Тоҷикистон ва баромадан ба Лигаи якум табрик гуфтанд.

Раиси ноҳияи Шоҳмансури шаҳри Душанбе Сафар Олимзода таъкид кард, ки роҳбарияти ноҳия ба дастаи «Шоҳмансур» дар Лигаи якуми Тоҷикистон-2026 ҳамаҷониба кумак хоҳад кард.