МУСОБИҚА ОИД БА ВОЛЕЙБОЛ МИЁНИ БОНУВОН БАРОИ ДАРЁФТИ “ҶОМИ РАИСИ НОҲИЯИ ШОҲМАНСУР” БАХШИДА БА РӮЗИ ҶАВОНОНИ ТОҶИКИСТОН
Дар доираи Нақшаи чорабиниҳои Мақомоти иҷроияи ҳокимияти давлатии ноҳияи Шоҳмансури шаҳри Душанбе ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз ҷониби бахши кор бо ҷавонон ва варзиши ноҳия дар ҳамкорӣ бо МД “Мактаби варзишии рақами 1"-и ноҳия мусобиқаи ноҳиявӣ оид ба волейбол миёни донишҷудухтарони муассисаҳои таҳсилоти олӣ, ибтидоӣ ва миёнаи касбии ҳудуди ноҳия барои дарёфти “Ҷоми Раиси ноҳияи Шоҳмансур” бахшида ба Рӯзи ҷавонони Тоҷикистон оғоз гардид. Чорабинӣ дар фазои дӯстӣ, ҳамдигарфаҳмӣ ва рақобати солим ҷараён дошта, барои тарғиби тарзи ҳаёти солим ва рушди варзиш миёни бонувон мусоидат менамояд. Мусобиқа давоми чанд рӯз идома ёфта, дар охир ғолибон муайян гардида, бо Ҷом, медал, диплом ва туҳфаҳои хотиравӣ қадрдонӣ карда мешаванд.
