Дар озмуни «Беҳтарин донандаи Конститутсияи Ҷумҳурии Тоҷикистон» миёни хонандагони муассисаҳои таҳсилоти умумии шаҳри Душанбе - хонандагони ноҳияи Шоҳмансур муваффақияти беназир ба даст оварданд.

Хонандагони муассисаҳои таълимии ноҳия дониши баланди ҳуқуқии худро нишон дода, дар умум сазовори 7 ҷой шуданд. Ин дастовард гувоҳи омодагии ҳамаҷониба ва саъю кӯшиши зиёди хонандагону омӯзгорони ноҳия Шоҳмансур мебошад.

Аз рӯи ҷойҳои ишғолкарда, хонандагони ноҳия 1 ҷойи аввал, 3 ҷойи дуюм ва 3 ҷойи сеюмро ба даст оварданд.

Ҳамаи ғолибон ва устодони онҳоро бо ин зафари бузург табрику таҳният гуфта, дар ҷодаи илму дониш ва озмунҳои оянда барору комёбиҳо таманно дорем!