Рӯзи дави миллӣ – рамзи нишоту бардамӣ ва ҳаёти солим
Субҳи имрӯз дар пойтахт бо ташаббуси Мақомоти иҷроияи ҳокимияти давлатии шаҳри Душанбе дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи ҷавонони Тоҷикистон дави миллӣ ва марафони велосипедронӣ баргузор гардид. Дар дави миллӣ беш аз 32 ҳазор нафар ва дар марафони велосипедронӣ беш аз 400 нафар кормандони касбу кори гунонун ва сокинони пойтахт иштирок намуданд. Дар чорабинии мазкур роҳбарият ва кормандони Мақомоти иҷроияи ҳокимияти давлатии ноҳияи Шоҳмансури шаҳри Душанбе фаъолона иштирок намуданд. Ёдовар мешавем, ки мусобиқаи дави миллӣ дар асоси Фармони Президенти Ҷумҳурии Тоҷикистон аз 28 марти соли 2007 “Дар бораи Рӯзи дави миллӣ” ҳамасола дар ҷумҳурӣ якшанбеи сеюми моҳи май баргузор мешавад. Мақсад аз баргузории мусобиқа таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.
